政情：公民講場：勤於投訴 郵政認衰

香港郵政最近又被踢爆「甩轆」，今次係被發現於十一月底區議會選舉前夕嘅敏感時刻，將白鴿黨社區主任林卓廷等人錯誤「升呢」為現任區議員，令佢哋可將作宣傳用途嘅「通函」，寄去已貼有「不收取通函」嘅區內住戶信箱。直至建制派立法會議員陳克勤去信投訴，香港郵政先至認衰，訓示相關人員避免同類事件發生。如果一直都冇人投訴同揭發事件嘅話，會否有更多疑似區議會候選人不知不覺偷雞過關，答案真係不言而喻嘞！