荃灣：非法回收場遲取締 屋署捱轟
土地違規僭建長期未被取締，屋宇署執法能力備受質疑！在荃灣區工作的陳先生指出，白田壩街工廠區有空地被擅自興建回收場，「回收啲廢鐵同廢紙，已經好耐都係咁，一直都冇人理，唔通真係無王管？」
監察業主清拆進度
屋宇署發言人承認，曾於二○一二年接獲同類投訴，同年四月已向有關業主發出清拆令，要求清拆上址僭建物，但該業主隨即提出上訴。直至去年十二月，上訴審裁小組裁決指該業主的上訴理據不成立，有關清拆令仍然有效，業主須遵從清拆令的要求，清拆有關僭建物。近期已接獲有關業主展開清拆僭建物工程的通知書，該署會密切監察工程進度。
「嗰度最近拆咗，仲清理好晒，依家終於乾淨番！」陳先生證實，有關非法回收場近日已被清拆，但仍希望屋宇署加強執法，取締違例建築物。