鱟地坊市場 三成空置嘥料

耗資二千一百萬元公帑重建的鱟地坊小販市場於二○一三年一月重新啟用，未料空置情況卻出奇地嚴重，「呢個場重建咗之後，冇錯係企理咗好多，可惜就有三成檔位丟空，真係好嘥！」在區內工作的郭先生不時途經上址，坦言對資源平白被浪費大感可惜。

死撐未有投訴 已計劃宣傳

郭認為重建場地空置率高企與食環署管理不善、未有積極提高出租率有關，「唔係起好咗就算，食環署有冇諗下到底點可以填滿啲檔口？唔係搞到依家咁多吉檔，成個場冷冷清清咁！」郭希望食環署設法增加出租率，吸引更多顧客購物，以帶旺市場。

小販市場空置率達三成，場內顯得冷清。	食環署於空置檔位捲閘張貼通知，提醒未經許可人士不得使用。	羅少傑認為食環署應正視現有空置問題，設法改善。

食環署發言人承認，該市場共有二百五十九個檔位，其中一百八十四個分配予九十二個持牌小販經營，出租率為七成，餘下七十五個檔位則預留作遷置街上持牌小販之用。發言人說，該市場於二○一三年初完成改善工程，至今並未接獲與出租或推廣宣傳有關的投訴。雖然如此，該署仍密切留意該市場營運情況，並已計劃在市場外懸掛大型宣傳橫額，以吸引更多市民。

檔販點睇 「喺街擺開檔嘅，都唔想入嚟，寧願周圍走。希望食環署酌情考慮，畀有持牌小販助手牌嘅人申請，搞番旺呢個場！」

「呢度咁多吉位，好多客嚟到見到都以為冇嘢賣，唔會行入啲嚟睇，我覺得真係好嘥！」

倡放寬申請 助創業者租用

「愈多舖頭先至愈旺、愈多人就自然愈好生意，太多吉舖真係唔理想，食環署應該考慮放寬啲去處理！」當區區議員羅少傑指出，食環署目前只安排持牌小販遷入小販市場，處理顯得僵化，不少持牌小販的助手即使擁有助手牌亦不獲租用，建議當局考慮放寬申請租用檔位的資格。羅又認為食環署可考慮公開招標，讓有意創業者租用部分檔位，另亦可研究多元化發展，如與非政府組織合作，安排檔位供年輕人學習做生意等，避免浪費現有資源。

記者：徐少琴