政情：黃夢瑩 孫嘉蔚助內地兔唇童

話說二人對兔唇小孩感受好深，而微笑行動中國基金正係一個為內地貧困及低收入家庭兔唇或頭面部畸形兒童做手術嘅慈善組織。Javece話，佢早前決定協助兔唇兒童後，佢媽咪先告知，原來佢出世時身旁同房嘅嬰兒就係一個兔唇兒童，令佢相當驚訝，更加覺得係種緣份，唔幫唔得。

受惠者送花生 黃好感動

而Monin則於十幾年前首次到內地觀看醫生為兔唇兒童做手術嘅情況，後來有受助兒童嘅家長夾份送咗包花生畀佢哋團隊道謝，令佢異常感動，於是就決定為更多被忽略嘅兔唇兒童爭取健康成長及公平發展機會。