政情：白鴿黨慶甩底 張炳良補飛

曾任白鴿黨副主席嘅張炳良，原本話會出席白鴿黨黨慶晚宴，點知喺晚宴前夕忽然話遇着公務，要前赴珠海與港珠澳大橋管理局局長朱永靈會面，以及到工地視察，了解大橋工程進展，最後甩底收場。卿姐尋日同傳媒茶敍時話，張炳良有就未能出席道歉，又約佢同黨內另外五位立法會議員，以及兩位副主席喺今個月三十日食飯補數。至於被問到因為休假冇出席晚宴嘅高永文事後有冇表示，卿姐就話對方冇聯絡過佢喎。