模影模蹤:佐佐木麻衣索爆咪霸

近年內地有好多電視節目都以唱歌選秀為主題,中國好乜乜,歌手物物物咁。從節目當中,大家可以見到好多來自民間嘅參賽者都歌藝非凡,令人大吃一驚,如果佢哋可以做歌手,一定令樂壇更加精彩喇。其實,好多好歌之人唱歌只係為興趣,好似佐佐木麻衣咁就係出晒名嘅K歌之后喇。

健美高挑

小弟後生嘅時候成日約埋班兄弟唱K,一邊開懷暢飲,一邊大展歌喉,認真係人生一大樂事,特別係畀女飛之後,高歌幾曲絕對有紓緩鬱結之效,成個人爽晒!之不過,唱K有時都幾唔過癮,因為唔少兄弟都係咪霸,成日插歌又霸住支咪,好似唱少一曲會蝕底咁,真係服咗佢哋。水着妹佐佐木麻衣都係出名嘅咪霸,假如面對咁索嘅女仔,我梗係冇投訴啦!26歲嘅佐佐木麻衣係日本水着界少見嘅辣妹,氣質冷艷妖媚,炯炯有神又電力非凡嘅眼睛,令人一望即感觸電。麻衣身高5呎7吋,身形高挑,幸好上圍有C-Cup而玉臀又圓潤堅挺,故無高瘦平感覺,同一時間黝黑嘅肌膚則更令呢副胴體增添健美同誘惑魅力。

棄歌從影

佐佐木麻衣身材之所以咁弗,全因佢多年來都保持住接近每日到健身室做兩小時運動嘅習慣。而佢仲未拍寫真嘅時候,運動量亦唔低,因為係一名負責喺公司內收發文件嘅文員,成日四圍行,唔怪得雙腿咁修長啦。2009年麻衣就喺大阪被藝能事務所負責人以優厚條件招攬為水着妹,及後參加過唔少選美,2011年就奪得ZAK THE QUEEN 2011冠軍。除咗選美比賽,熱愛唱K嘅佢仲參加過好多水着界圍內搞嘅唱K比賽,由於麻衣乃係咪霸,平日唱得歌多,唱功自然有番咁上下水準,故喺呢類唱K賽中經常大熱勝出,更有人叫佢轉行做歌手。然而,佢就表示唱歌只係興趣,演戲至係佢最愛發展嘅方向。早前佢為電視劇《闍金2》演出,演戲天分低兼且演出機會少嘅麻衣因為表現差而被導演指摘,幸好佢明白到邊處跌低就要喺邊處再企起身嘅道理,一於努力學演戲克服困難!

個人博客

近期佐佐木麻衣密密開攝影會,想知道佢喺攝影會當中有咩搞佢,就要Click上佢個博客了解一下喇。

網址:http://ameblo.jp/1020-sasaki-mai/

佐佐木麻衣Profile

年齡:26歲

身高:5呎7吋

三圍:33C-23-33

撰文:賢