政情：港台恨到搞施政財案論壇

話說各電視台喺發表《施政報告》同《財政預算案》當晚都會舉行論壇，邀請特首梁振英及財爺曾俊華列席解說報告重點。去年新增電視頻道嘅港台曾表示想加入製作團隊，派員出席兩個論壇，但係有電視台對此表示異議，最終港台冇份參與。

舊年畀電視台請食檸檬

一年好快就過去，聽聞港台同各間電視台傾得差唔多，總算畀佢哋恨到。我哋問過港台，佢哋證實可以派人出席兩個論壇。而負責統籌各間電視台嘅政府新聞處亦承認，港台新聞部可以參與主持同輪流製作兩個論壇。至於被指去年反對嘅無綫電視就話，以往都係由各電子傳媒派出新聞部人員組成「聯合製作群組」，如果港台派出「新聞部人員」加入，就唔會反對喎。