早幾日下午約三點，我哋見到立法會前議員李華明（Fred）獨自喺金鐘一個商場行街，上前同佢打招呼後，發覺佢清減好多。Fred話，早排驗身後被醫生警告佢已貴為「三高」人士，所以半年前的起心肝每日跑步、踩單車加上控制飲食，終於減去十磅至一百七十磅，難怪睇落明顯瘦咗，但距離醫生建議減重目標仍有廿磅。Fred笑稱，咁大個人未試過做咁多運動，幸好依家唔做議員，如果唔係肯定會繼續「三高」落去。
