政情：又要見財爺 泛民邊句真

促修例防「貪曾」事件重演

不過佢哋尋日提出對兩份報告嘅訴求，又突然轉軚話會去信政務司司長林鄭月娥同財爺要求見面，真係唔知邊句真、邊句假。飯盒會廿三名泛民議員就施政報告同財政預算案發表聯合意見書，就民生、醫療、交通等十五個政策範疇提出合共一百零二個項建議。喺政改方面，佢哋建議修訂《防止賄賂條例》第三條同第八條，將適用範圍延伸至特首，防止「貪曾」收受富豪利益醜聞事件重演。

飯盒會召集人梁家傑話，雖然佢哋之前回絕特首辦，唔肯同CY及財爺會面，但查實佢哋只係想針對CY而非財爺，所以日內將會去信財爺同林鄭月娥要求會面喎！