政情：公民講場：「堆爐」勢被狙擊 黃錦星頂硬上

上年度因泛民立法會議員拉布，令唔少議案同撥款未能如期通過。立法會即將復會，有議員講明復會後會繼續拉布杯葛政府施政。睇番上年度遺留落嚟嘅議案同撥款，「三堆一爐」勢必成為議員狙擊嘅目標。環境局局長黃錦星尋日出席公開活動後亦被問到相關問題，佢就話癱瘓政府施政只會令社會同市民受害，「三堆一爐」係社會必須嘅設施，希望議員明白社會需要，一齊面對咁話喎！面對呢個進退兩難嘅局面，睇嚟黃錦星都要學吓佔領行動參加者咁，着齊全副裝備先好上陣！