綠色先鋒：衣舊織夢

聲線溫婉，心靈手巧的Jenny，與深諳女紅的形象不謀而合。小學時在興趣班學過基本針黹技術後，她便醉心這門手藝，自行鑽研各種縫紉技術。但出身基層的她，在捉襟見肘的生活環境，針黹物料從何來？Jenny笑言，舊衫、床單、布碎在她眼中都是寶物，「細細個住公屋，冇咩錢，想做針黹玩，阿媽唔會買新布畀你，惟有屋企有咩就用咩。」

開班教環保針黹

Jenny坦言，這是「舊香港」普遍的生活模式，人人講求「慳得就慳」，「細個唔會知咁做叫『環保』，因為個個家庭都係咁。」然而，隨着時代轉變，物質愈漸富裕，香港人就開始遺忘善用資源的美德，「好似我老爺、奶奶，有時買咗啲食物唔記得食爛咗，好浪費。時代向前，冇人望返轉頭，生活好咗又冇咁為意。」

Jenny以回收舊衣物升級再造手袋及飾物。

Jenny從小喜愛針黹藝術，以家中的爛衫布碎升級再造。

曾居於英國的Jenny指，當地的環保意識高，二手舊物店隨處可見，當地人普遍有循環再用的習慣。為喚醒港人愛惜資源，Jenny回流後開班教授「環保針黹」，鼓勵學生將自己的舊衣物升級再造。初期，Jenny擔心學生對以「舊嘢」作材料反感，後來發現港人的接受程度漸漸提高。她希望，過程中學生能反省生活中所造成的浪費問題，「佢哋會發現原來買咗好多衫，但有好多都已經唔着。其實我哋身邊都有好多可以用嘅材料，唔使再買。」

圖：崔祖佑／文：溫盈盈