政府尋日發表政改公眾諮詢報告，不過報告提及社會團體同各界人士意見時，唔用科學啲嘅數字，反而用「主流」、「較多」、「不少」同「一些」等模糊字眼去形容唔同意見，唔知有咩玄機？政制及內地事務局局長譚志源解畫話，報告係整體歸納，唔會就唔同意見進行量化。佢仲話，報告用嘅係描述性字眼，唔係量化分析，又話政改咁複雜嘅議題，純粹簡單嘅數字未必對有關團體公道咁話。講到咁複雜，唔通令大家聽完都唔明，係政府策略嚟嘅？
