「唔早啲通知」 幾乎無錢買餸

家住青衣的黃先生，昨晨在住處附近的東亞分行櫃員機提款不果後，索性出荃灣擬再於東亞的分行提款，惟抵埗後始見櫃員機仍然「跪低」，暫停服務，感到非常勞氣，「如果仲未整番好，點解東亞唔透過傳媒，早啲通知市民，等我哋唔使咁頻撲！」

另一市民李太表示，昨晨往東亞的櫃員機擬提款飲茶和買餸，惟抵埗後始知暫停服務，白行一趟，「星期日銀行唔開門，市民要攞錢就要靠櫃員機，壞咗機真係好唔方便，好彩我銀包仲有幾百蚊，如果唔係連買餸錢都唔夠！」

櫃員機旁貼出暫停服務的通告。

客戶齊鬧 黃先生：「東亞應透過傳媒早啲通知市民，等我唔使咁頻撲！」

可循民事索償

住屯門的黎先生為東亞客戶，他表示，昨晨約十一時手持東亞發出的提款卡，在屯門市中心的中資銀行提款不果後，遂走到東亞位於雅都花園的分行，詎料一樣未能成功攞錢，他嘆謂：「唉！頻頻撲撲最後都係攞唔到錢，真係無晒辦法。」

李太：「好彩銀包仲有幾百蚊，如果唔係連買餸都唔夠錢！」

黎先生：「頻頻撲撲最後都係攞唔到錢，真係無晒佢辦法！」

執業大律師陸偉雄表示，銀行有責任提供服務，不應中止服務。倘若事故是銀行疏忽所引致，受影響客戶可循民事索償。他舉例，銀行在定期維修及更新機件上倘若出現疏忽，導致機件故障；或是保安系統未有有效的防禦措施及後備方案，應對駭客入侵，而令銀行全線癱瘓，皆屬銀行疏忽。陸建議，市民毋須急於索償，可待銀行提交事故原因報告，確認它有疏忽後，始提出索償，以免浪費時間心血及律師等費用。