東方日報慈善基金 太陽報愛心基金 收逾16萬善款
【本報訊】九歲傑仔遭逢家庭巨變，令人心生憐愛，全城紛紛獻愛心協助他渡過難關。東方日報慈善基金及太陽報愛心基金昨日接獲近二百個善長來電，希望捐助傑仔度過困境並寄語祝福，截至昨日為止兩基金已累計接獲善款逾十六萬元，其中十萬元由李家誠及李徐子淇成立之Glamour To Give基金捐出。
兩基金將密切關注傑仔情況，並確保會將以實報實銷形式協助傑仔日後教育所需，將善長捐款悉數用於傑仔身上。
實報實銷 用於教育用途
不少善長對傑仔甚表關注，更不忘慰問。黎先生便坦言身為人父對事件感到切膚之痛，坦言：「睇到呢個報道真係好心噏，希望佢唔好放棄。」而林先生呼籲傑仔要堅強面對人生，「我哋仲有好多人關心佢，佢並唔係孤獨作戰！」亦有善長願意領養傑仔，及協助殮葬女嬰。亦有善長哽咽地說：「傑仔得九歲仲好細，前面條路會好艱難，但一定要勇敢面對……」最少有兩名善長表示擬向社署申請領養傑仔，希望給他一個最佳的成長環境。基金會密切與社署跟進情況，確保全數善款用於傑仔教育及生活所需，讀者有查詢，請致電3600 9988與記者聯絡。
善長寄語
盧小姐：「我睇完報紙都喊，好心噏，希望傑仔可以積極面對，好好咁生活落去。我都知其他人其實好難幫到佢，呢個係一個家庭嘅巨變，希望佢可以面對將來嘅人生。」
鍾小姐：「希望傑仔可以盡快渡過難關，唔好咁傷心，同埋媽媽都要快啲好番，可以照顧傑仔。」
莫小姐：「睇完報紙都喊咗出嚟，自己都有個差唔多大嘅小朋友，真係覺得好心酸。」
吳小姐：「唔開心一定要宣洩出來，唔好谷住谷住，一定要同身邊嘅人講，如果唔係會影響日後成長，傑仔要堅強啲！」
捐款編號：12572