政情：公民講場：誠實的巧儀爆港府「秘密」

長遠財政計劃工作小組早前建議，將港府部分盈餘從一般財政儲備中抽走，用嚟成立「未來基金」支持將來嘅基建開支。立法會財經事務委員會尋日討論有關建議時，小組成員王尹巧儀就疑似食咗「誠實豆沙包」，直認將盈餘放喺一般儲備定係未來基金，其實只係「左袋入右袋」，唯一唔同將係啲錢放埋一邊之後，外界就唔會對呢筆錢「虎視眈眈」。王尹巧儀將港府呢個「不能說的秘密」宣之於口，財政司司長曾俊華同財經事務及庫務局局長陳家強真係多得佢唔少。