公民講場：「譚」論政改先有保證

政改諮詢期仲有一段時間，一班平時喺香港唔敢出聲嘅建制派人士，上到北京就變咗開籠雀咁，不停四處放風講政改，你一言我一語，都唔知邊個講嘅至係真。政制及內地事務局局長譚志源忍咗幾日，尋日終於正式公開「打假」！佢講明成個特區政府，只得特首、包括佢在內嘅政改三人小組及獲授權人士所講嘅說話，先係政府立場，其他人講嘅一律係「個人意見」，暗示大家唔使認真對待塘邊鶴嘅言論。