政情：公民講場：鬍鬚曾「搭台」畀長毛拉布？

社民連立法會議員梁國雄（長毛）早喺預算案公布前，已經預告會針對預算案「拉布」，以爭取港府設立全民退休保障制度。咁啱得咁蹺，財政司司長曾俊華（鬍鬚曾）又喺預算案宣布研究設立「未來基金」，將港府部分盈餘儲起，用作支持未來嘅基建開支，結果惹來多黨質疑佢收埋啲錢唔使，要求將基金改名用於養老同改善退休保障，變相令長毛多咗個藉口去「拉布」。立法會直到依家都未諗到剪布對策，睇嚟鬍鬚曾要通過呢份預算案肯定要經過一番苦戰。