政情：公民講場：陳勇撐熱線 「痱滋論」騎呢

「保普選反佔中大聯盟」就舉報學生罷課設立電話熱線引起爭議，大聯盟發起人陳勇尋日就為電話熱線解畫，仲以本身係兩個子女嘅家長身份「動之以情」，話「自己生痱滋自己先知道痛，自己小朋友自己先會愛錫」，學校搞旅行都要家長簽名同意啦，何況係罷課呢？陳勇呢句說話真係萬能Key金句，「自己ＸＸ自己先ＸＸ」，其實都可以話「自己有香港腳自己先知道痕」，唔知會唔會有人覺得佢好騎呢？