【本報訊】新一份財政預算案「減甜」之餘又毫無新意，惹起網民抨擊！各網上討論區有網民留言發炮，毫不留情地狠批預算案「垃圾」，最令網民「火滾」是綜援又再出雙糧，不禁慨嘆打工仔「捱生捱死究竟為乜」？有人則抱着「無期望、所以無失望」的心態來看待預算案，自我安慰。
不少網民不滿預算案提出的紓困措施「大縮水」，對於政府撤銷電費補貼、公屋免租削減至一個月，嚴重影響民生，網民hijk001就此計算一年因而至少增加二千八百元支出，慨嘆：「點解連啲啲都要收起唔畀我哋！」連電費補貼亦慘遭「剝奪」，能受惠預算措施的人非常少。
當未能受惠於任何紓困措施的同時，眼見綜援再出雙糧，更怒火中燒。網民dogjo說：「咁我哋打工仔一族捱生捱死為乜？係咪鼓勵人攞綜援？」另一網民說：「可唔可以捉啲無業領綜援啲人去做嘢」。
預算案雖批評之聲不絕，但亦有措施獲讚賞，有網民指政府計劃增加本地淡水供應，並預留土地興建海水化淡廠，形容是德政表現。
獸王無敵：「與其出雙糧，不如用晒嚟退稅仲好。」
平安大膠：「食老綜+住公屋先係人生贏家。」
KTak：「有樓者又可以再更上一層樓，冇樓者繼續慢慢等。」
不凋花：「又唔使戒，我俾（畀）乞衣（乞丐）都唔只4蚊。」
V_VPONG：「垃圾、垃圾、垃圾。」
secretrose：「呢個政府係米（咪）要搞到官逼民反先安樂呢？」
現想師奶仔：「政府仲夠膽死之前叫人生多啲！」
hungkingwai：「我全部無得受惠。」