探射燈：幸存事主放低哀痛重投人生
劏房問題春風吹又生，除了令「計時炸彈」重新倒數，亦令在世之人對政府感到無比失望。記者巡視馬頭圍道一百一十一號唐樓時，除發現本應被整治的劏房幾近原封不動外，七樓一個單位更正進行裝修，準備劏出兩個單位應市。
「時間過咗咁耐，情緒都放低，人始終要生活，再傷心（家人）都返唔到嚟。」被大火奪去妻兒的黎學文懷着積極的態度，雖然仍十分思念妻兒，但如今已重新投入工作，重過新的生活。「意外無人想發生，我唔係要求一個天文數字，但點都要攞番一個公道。」黎表示知道業主當初違規改建出租用的地下雜物室已經拆卸，但認為業主願意拆卸雜物室亦代表他認同改建是違規，導致大火堵塞大廈出口，因此正尋求法律意見考慮追討賠償。
冀撥公屋安置劏房戶
而黎得悉大廈違規劏房問題嚴重，不禁對此表示無奈。「劏房有咗幾十年，無出意外就無人理，到出咗意外先話唔啱，但到底問題出喺邊個身上？」黎表示政府有需要加強規管違規劏房問題，但同時亦表示明白處理事件有難度。「十間（劏房）變到劏三間，咁原本嗰七戶人住邊？」黎指要解決違規劏房問題，還需政府提供足夠的公屋單位安置現正居於劏房的人士，才是解決問題的良方。