渡海濠情：若即若離溝仔有機

保持關係

萌萌：我以前性格比較被動，唔會主動出擊，所以好多明明好喜歡嘅男生，經常都眼白白被其他囡囡搶走，所以我決定要主動啲！

小花：我自細就好喜歡主動，總知我喜歡嘅嘢都唔會同人客氣，每次都第一時間出手，最後得唔得到都心安理得，最低限度唔會後悔嘛！

萌萌身材出眾，肯定大把人追！	小花	小花聰明伶俐，自然不乏裙下之臣！

萌萌：我開頭以為主動出擊，就係要主動同男生表白，講出自己嘅心意，但其實唔使咁白嘅，只要多望對方幾眼，多啲畀表情對方，啲男仔就識點做！

小花：無錯！有時太過主動，男仔會對你反感，所以只能暗示，見面時多跟佢傾兩句，唔見面時多發短訊，保持關係，將來發展就容易好多！

猛虎撲兔

萌萌：第一步做好，九成男生都會識得點做，你只要畀機會對方表白就搞掂，但有一成怕醜仔，你畀晒機會佢都冇膽表白，咁就惟有由女方先做主動！

小花：另外要主動嘅情況，就係出現競爭對手，因為好男仔真係唔多，所以萬一有人要同你爭，你就要先發制人，搶先同對方表白，否則好難力挽狂瀾！

萌萌：有人會以美色嚟俘虜男生，呢度有少少學問，如果對方愈好色，你愈唔好畀對方得逞，相反，對方愈唔好色嘅，你反而用色誘，就愈有效果。

小花：最後有個重點一定要記住，我哋雖然主動出擊，其勢猶如猛虎撲兔，但過程唔可以操之過急，否則兔仔唔過癮，下次就唔會再搵你o架啦！

萌萌Profile：

年齡：20歲

三圍：35-24-35

小花Profile：

年齡：21歲

三圍：34-24-35

撰文：小德

攝影：阿生