尋日元旦遊行之前，泛民主派一直擔心愛字頭團體會喺遊行期間搞事，但實情愛字頭並無對遊行人士做出任何挑釁行為，反而手持龍獅旗同港英旗嘅示威者不斷四圍挑機辣火頭。先有新民主同盟立法會議員范國威響應部分示威者，去位於灣仔修頓球場嘅保衞香港行動街站不斷叫囂，之後部分人士仲改為狙擊泛民主派，去中環包圍民主黨蔡耀昌，批評佢幫新移民打官司，令新移民可以來港搶奪香港資源。就尋日所見，真係唔知邊個唔理性喇！
