政情：今日你上鏡：冇心冇力冇志氣？ 唐唐自嘲難任特首

前政務司司長唐英年尋晚出席一個政黨周年黨慶活動時，被問及會否捲土重來再參選特首時笑笑口話，如果要擔任特首需要三大條件，包括有心，有力同有志氣，佢話自己無法勝任，仲話自己何德何能喎。對於前商務及經濟發展局局長馬時亨話，想申請做前財政司司長梁錦松嘅特首選舉辦主任，意味撐阿松選特首，唐唐就話無聽過呢個傳聞喎。唐唐又話，希望香港能盡快落實普選，否則政府同市民都係輸家，佢話隨着社會變化，可以不斷優化選舉制度，相信唔會一成不變。