政情：議員唔叫立會買專用保險

開支涉公帑驚畀人鬧

立法會經常都有市民、學生去參觀，如果有人喺大樓內受傷，而證實立法會有過失及責任，就可向立法會索償。由於立法會冇特別為議員買保險，所以勞工界前議員李鳳英當年喺中環舊大樓碌落樓梯，搞到盤骨移位，都只能夠用同一途徑同立法會及政府打官司索償。不過，基於打官司又要畀訟費，為免兩敗俱傷，當時都係庭外和解。

有議員有見及此，就提出由立法會為議員購買意外保險，但有人擔心涉及公帑開支，可能又被外界批評亂使公帑，加上議員本身已可用每月三萬多元嘅醫療津貼買醫療保險，所以最後大家決定多一事不如少一事喇。