政情：公民講場：「強」說新移民 斟茶侍港人

香港「黃金五十」創辦人林奮強尋日舉行記者會大談人口政策問題，期間佢肯定內地新移民對香港經濟貢獻，仲發表咗「新移民服侍論」，直指如果冇過去十多年來港嘅新移民，「我哋一陣食嘢同茶點都無人服侍」喎！林奮強呢番言論驟耳聽落令人唔係好舒服，好似講到啲新移民全部都係基層勞工咁，但好彩佢強調一句，叫大家「所以千祈千祈、記住記住唔好歧視新移民」喎。所以話呢，有時講嘢真係要好小心，否則被人誤會炒作就唔好啦！