當地有家族祖墳
漁農界立法會議員何俊賢（高佬賢）就話，其實以前本港嘅漁民因為捉魚而要港澳兩邊走，所以唔少漁民都有澳門身份證，即係有得受惠澳門連年派錢，認真和味，可惜高佬賢就冇份喇。
高佬賢自爆，其實佢同澳門好有淵緣，除咗佢表姐夫係澳門人外，其家族仲有個祖墳喺澳門添，所以佢都算係澳門人後裔。聽高佬賢咁講，佢似乎都可以申請攞番張澳門身份證，享受吓派錢福利。
不過，佢就話自己淨係十幾歲時去過一次澳門拜山咁大把，依家連個祖墳喺邊都唔記得，況且自己一直住喺香港，又隔咗咁多代，莫講話申請麻煩，就算去申請都覺得講唔過去咁話。