中環出更：「夫妻團」遊俄 彭少衍回味王宮餐

彭少衍（右二）及太太Carman（左二）作狀跳舞拍照留念。（受訪者提供）

彭少衍話，今次係佢首次踏足俄羅斯，未去之前已經對當地美麗嘅建築物及風景極嚮往。今次佢哋參加莫斯科及聖彼得堡豪華團，行程包括莫斯科紅牆、聖彼得堡凱旋門、克里姆林宮及有七百年歷史嘅聖巴素大教堂，仲有俄國史上功績最彪炳嘅女沙皇嘉芙蓮夏宮，認真大開眼界。去到俄羅斯，當然唔會錯過去睇馬戲啦！

• 彭少衍盛讚俄國處處可見異國風情，令人十分嚮往。

端陽歎魚子醬香檳

彭少衍話，此行最難忘係端午節當日撞正俄羅斯國慶，團友們喺王宮歎超豪嘅魚子醬、飲香檳過節，夠晒特別。當佢哋喺王宮外見到一對盛裝打扮嘅男女，明知係賺遊客錢，都唔介意畀三百元盧布（約港幣七十元）影相，留下到此一遊嘅回憶。