政情：八網難逃：扒龍舟唔認包尾 白鴿真阿Ｑ

體育運動應該係友誼第一，比賽第二，承認落敗只係等閒事，但民主黨（白鴿黨）就唔肯認輸。話說該黨立法會議員胡志偉尋日率領廿幾名黨友參加端午節龍舟比賽，最後喺社交網站聲稱該黨喺七支隊伍中以第五名衝線。不過，睇清楚最尾一行附着文字，實情係有一支隊伍被取消資格，另外有一隊甩底冇參賽，即係該黨明明包尾都唔肯認輸，真係阿Ｑ精神，難為佢哋仲chok晒樣咁影合照留念。