華光航業董事長趙世光太太何琍琍近日似乎不甘於名媛生活，有意進軍農業發展。日前一間日資百貨連鎖店開張，何琍琍出席做主禮嘉賓，司儀稱呼佢嘅職銜係「華光現代農業發展有限公司董事長」。雖然何琍琍話目前未有產品面世，唔想向傳媒講述公司詳情，但見佢同著名設計師陳幼堅有講有笑咁一齊主持開業儀式，仲大讚大會提供嘅日本清酒好飲，睇嚟何琍琍心情勁靚，莫非佢對呢盤生意胸有成竹？
