政情：公民講場：紙板財爺 守株待「匙」

立法會尋晚終於三讀通過財政預算案，對於日前自嘲係「失匙夾萬」嘅財政司司長曾俊華（鬍鬚曾）嚟講，總算將條庫房夾萬鎖匙攞到手。不過，睇番成個預算案「拉布戰」過程中，鬍鬚曾最叻只係喺網誌出口術，直到臨近預算案通過限期前，先至死死地氣應建制派要求，約見拉布四子談判，但最終都係傾唔埋欄，不歡而散。所以講到底，庫房條夾萬鎖匙都係靠主席曾鈺成「剪布」所得，而鬍鬚曾嘅角色極其量都係淪為「紙板人」守株待兔，一直喺度等運到。