政情：今日你上鏡：民協老虎仔賺人仔

要靠搞政治開飯都唔係一件容易嘅事，但人總需要勇敢生存，總要為自己生計打算。好似民協「老虎仔」廖成利咁，都有同人合夥搞律師行搵兩餐。近日佢哋律師行嘅廣告仲賣到返內地，我哋就喺深圳羅湖見到佢哋嘅廣告，除咗有老虎仔大大張相，廣告仲係用簡體字，擺明香港人同內地人生意「通殺」。
（馮惠詩攝）
（馮惠詩攝）

其實老虎仔對馮檢基最有義氣，但一直喺政治生涯上浮浮沉沉，最後一次選立法會係○四年但失敗而回，一直無緣重返議會，所以好應該為自己打算吓，話唔定賺到錢補貼吓民協之餘，仲可以提升知名度，一舉兩得呢。