政情：八網難逃：網民拜拜兩個呆佬
自稱「香港良心」嘅亞視，其主要投資者王征果然貫徹電視台方針，都係走「差異化路線」，除咗上月親自上演《關心香港未來》爛騷，近日再搞《我要上ATV春晚》騎呢騷招兵買馬，的確係另類宣傳伎倆。隨住政府發新電視牌嘅決定明朗化，一眾等睇戲嘅網民，即時急不及待發揮無窮想像力，喺網上二次創作電影海報，叫《呆佬拜拜》。
網上二次創作團體黑衣會嘅海報，主角除咗亞視靈魂人物「蝗精」（王征）之外，梗係唔少得好有女人緣嘅亞視執行董事「剩品餘」（盛品儒），兩位主角成日高調唱好自己間「良心電視台」，但網民似乎唔多受落，揶揄亞視係「眾所鳩（周）知，一個傻既（嘅）電視台」，更齊聲向兩位呆佬講拜拜！不過，呆佬精日前信誓旦旦咁話：「如果有電視台倒閉，亞視會是最後一家。」似乎唔可以睇小呆佬嘅傻威！