東方報業集團披露西九文化區嘅建造價嚴重超支，尋日西九文化區首個藝術場地戲曲中心設計方案面世，做價高達廿七億元，較原估算嘅十三億元暴增逾一倍。咁搞法，即係話去飲茶食蝦餃王，原本廿蚊粒，但製作期間由於蝦同蝦餃皮都貴晒，最後搞到變超頂點賣四十蚊粒。都係多謝貪曾喇，個西九議而不決搞到貴晒，佢就只識柯打唔識畀錢，使納稅人嘅錢都唔肉痛。
