中環出更：梁焯輝退休「八字」贈同事

規劃署同事尋日同梁焯輝餞行，佢好有心思咁自費準備咗二百幾份小禮物送畀大家，就係有佢墨寶嘅USB記憶手指，上面寫有「以誠立城」四字真言，同埋佢嘅圖章，紅黑配搭相當搶眼。除咗有小禮物送贈同事外，梁焯輝亦有份大禮送畀部門，佢大筆一揮寫咗「劃出彩虹」四個大字，仲裝裱好埋，隨時可以掛起。

平常心睇東北爭議

離任前最爭議嘅一定係新界東北發展，但梁焯輝卻處之泰然，話唔會介懷批評，都係以平常心看待，每件事盡心盡力去做。五十九歲嘅梁焯輝仲講明，退休後唔會加入商業機構，只想睇多啲書、寫吓書法咁，有機會就做吓公益活動，仲有可能教書添！