政情：高永文做官有代價 銀行開戶遭嚴格審查

要去台灣都好難

佢話做問責官員要付出時間、家庭生活同種種意想唔到嘅代價，雖然佢離開咗熱廚房一段唔短嘅時間，但去銀行開戶亦遭到嚴格嘅審查，就連家人亦不能幸免，就算已過咗「冷河期」，但到依家去台灣都好困難，事關去唔到。

對於點做人，佢坦言自己唔係完美嘅人，有好多瑕疵，但無論係官場內外，佢一旦承諾做某件事嘅話，必定全力以赴，如果盡咗力都畀人話Hea做，自己就會好唔開心。

高永文又寄語年輕人，要明白世上有好多事情，唔係話努力就一定做得到，例如佢係最早發起醫學界行毅行者，但係咁多年來，佢一日內頂多只係可以行到三十公里，根本無法應付一百公里嘅挑戰，所以與其硬要達成指標，不如盡力而為就已經心安理得嘞！