中環出更：曾昭穎「零頭」夠high tea

卓妮上周五就見曾昭穎帶埋愛女、工人與兩位女性友人喺中環置地廣場Cafe Landmark輕鬆high tea，坐足個多小時先至離開。曾昭穎歎茶期間，仍不忘逗寶貝女開心，母愛滿溢。

因為爭產案而成為咗公眾名人，曾昭穎出入都特別小心，當日卓妮見佢有兩個疑似保鏢坐喺遠處隱蔽位置用餐，兩枱相距約十呎，表面上好似互不相干，但盡忠職守嘅保鏢，全程都金睛火眼咁望實曾昭穎張枱嘅一舉一動。曾昭穎打扮樸素，亦只係柯打咗啲普通食品，包括一客龍蝦意粉及一籃麵包，同埋為愛女柯打咗一杯鮮果奶昔。

輕撫女兒 母愛爆燈

只見曾昭穎四歲嘅囡囡剪咗個冬菇頭，非常活潑可愛，成隻白兔仔咁跳跳紮坐唔定，工人姐姐要好花心機咁餵佢食嘢，而且食嘅時候表情多多，非常討人歡喜。身邊嘅曾昭穎見囡囡食得咁開心，好幾次都忍唔住伸手輕撫愛女嘅頭髮，臉上不其然泛起幸福滿足嘅笑容，真係有女萬事足。

曾昭穎（左上）輕撥愛女頭髮，母愛爆燈。

曾昭穎與女兒及友人歎下午茶（右上角），疑似有兩名男保鏢（左下角）遠距離監視。

卓妮