中環出更：施榮懷二鍋頭宴「菁英」

Irons日前喺中環馬車會會所擺兩圍，菁英會主席楊華勇、前主席洪為民及白富鴻、常務副主席梁宏正、副主席莊家彬都有捧場，廠商會就派出副會長吳永嘉、顏吳餘英及一眾菁委猛將等。Irons話，其實楊華勇、白富鴻同莊家彬，同時係廠商會會董，兩家親上加親。

原來今次聚會唔單只係齋飲齋食咁簡單，Irons提議廠商會贊助菁英會喺十一月二日舉辦嘅「菁英論壇」，金額大約六位數字，出手相當闊綽。講番廠商會動向，籌備當中嘅會所餐廳，正入緊圖則，預計明年上半年可以開幕。至於今年底舉行嘅工展會，就首創「寄存服務」，等大家唔使拎住大包細包同人逼。