特首梁振英上場，立心改掉政府過往積習，但一直障礙重重。行政會議成員林奮強尋日接受電台訪問時話，以前政府做錯乜，今屆政府的確可以改過，但原來過去二十年政府做錯好多事，雖然今屆政府有心處理，但巧婦難為無米炊，柴、米、油、鹽、水、電乜都冇，做乜都被人反對，好多市民都只係關注自己利益。佢言談間希望反對發展計劃嘅市民認真睇睇，現時香港土地供應有幾咁嚴峻喎，估唔到原來佢咁敢言嘅。
