中環出更：蔡加讚華哥「拍拖」睇倫奧
英國倫敦奧運賽事開鑼，運動迷又要投入日以繼夜、夜以繼日嘅追電視生活。喜運佳鐘錶主席蔡加讚（Karson）就好命好多，佢將應鐘錶名牌歐米茄（OMEGA）邀請，親赴倫敦欣賞精彩壓軸賽事及閉幕禮，同行仲有公司常務董事梁青華（華哥）。臨出門前，佢哋仲抽身北上廈門，主持旗下鐘錶專門店Audemars Piguet嘅開幕禮。
Karson話，暫未知獲安排睇咩賽事，但如果有籃球或射擊睇就最好喇！咁甜心女友汪圓圓又會唔會一齊去呢？Karson笑稱：「唔會喇！我同華哥拍拖去！」真係識講笑。
打造內地名錶城
Karson揸旗嘅喜運佳不停擴張，淨係廈門中華城就有七間咁多，年底前將開足十間，事關佢想打造內地最大嘅名錶城。華哥話，到時佢哋將喺廈門舉行名錶慈善拍賣，籌款最少一百萬元人民幣，以捐助當地弱勢社群，實行回饋祖國。
卓妮