話說一眾鄉事選委當初一致提名另一候選人唐英年，後來情況有變，選委們急急開會傾投票立場，有在席選委當場問新界鄉議局主席劉皇發：「到底CY有冇親自打電話畀你拉票先？如果冇，大家大可唔使理佢吖，當冇件事咪得囉！」此語一出不足三十秒，呢個選委竟然即時收到CY電話，據講在場幾十個選委亦陸續收到電話，CY恍如在場聽到大家發言一樣，真係奇。
肥亨讚梁有心有力
前商務及經濟發展局局長馬時亨尋日喺電台上都話CY有心有力，佢回想起喺九十年代，肥亨嘅老闆邀請CY加入一間公司做董事，CY做一個普通董事都特別落力過人，落手落腳做，仲畀咗好多意見。肥亨形容CY係科技股，有改變創新精神，施政會有改變。