大型玩具車登港鐵逼位
乘客攜帶大型玩具車輛登車，港鐵竟未有派員阻止！黃小姐早前在大埔墟站登車時，發現有乘客攜帶大型玩具車輛入閘，期間不但未有職員阻止，小童更在擠迫的車廂內「駕駛」玩具車，令其他乘客備受騷擾。「車廂已經夠逼，仲由得個大人帶埋架咁大嘅玩具車上車，使唔使讓埋個位畀架車坐呀？」
港鐵發言人稱，接獲本報查詢後，已向大埔墟站了解，惟未有錄得相關事件的記錄。發言人又稱，根據港鐵的行李規章，乘客攜帶的行李尺寸（長、闊及高）總和須不超過一百七十厘米，而任何一面的長度不可超過一百三十厘米，超出規定的行李均不可帶進車站付費區。
「點解冇港鐵職員巡查車廂？淨係識搵人查頭等車廂啲乘客有冇畀錢！」黃認為港鐵應派員不時巡查普通卡車廂，致力為乘客製造一個舒適的乘車環境。