政情：霍建寧夫婦 患難見真情

話說霍太○三年做例行檢查，發現患咗初期乳癌，立即心亂如麻，霍生知道後立即堅定不移咁講︰「我一定會照顧你一生一世」，霍太聽到後即刻甜到入心，決定同癌魔戰鬥到底。同一年，大女喺外國大學畢業，霍太因要留港治療，無法出席畢業禮。霍生即刻諗計，打電話去一間霍太好鍾意嘅餐廳，仲一連央求咗老闆三日，要求對方到佢屋企「到會」，氹老婆開心。

患癌係不幸，不過霍太好幸運，遇到一位咁錫佢嘅老公，有時生命面臨挑戰，至令人知道自己原來係咁幸福。霍太肯貢獻自己去擔任乳癌基金會主席，咪就係要提醒啲姊妹記得定期驗身，咁幸福至可以延續落去囉。