政情：施俊輝剖白無意爭櫈仔

施俊輝尋日下午發出電郵，內容話「現階段只希望累積經驗，專注南區地區工作，不作他想」，又話年初「福建幫」嘅拜年活動，葉太根本就冇出席，只有黨副主席田北辰同佢代表出席喎。

施俊輝又話，希望建制派團結一致做好協調，避免出現你爭我奪嘅情況，自亂陣腳讓對手有機可乘。施俊輝咁緊張，足證各個建制派都想力爭「福建幫」嘅祝福，一旦企錯位歸錯邊，後果可能好嚴重。