任嘉賓嘅梁家傑發言時提出，修改《基本法》係最可行解釋雙非孕婦問題嘅辦法，又支持候任特首梁振英提出明年雙非孕婦「零配額」嘅建議，但帶埋幾名黨友踩場嘅Miriam就認為應該將雙非問題訴諸法庭，建議政府向雙非子女停發居港權或者自行修改入境條例，到時自然有人挑戰呢個決定，再透過法庭去判，又寸公民黨支持外傭爭取居港權，都係將事件訴諸法庭解決。
類似嘅論調，拗過不知幾多次，點知尋日梁家傑忽然扯火，發晒爛渣，面都紅埋，力斥劉健儀身為律師口不擇言，為咗直選咁樣抹黑好過分。兩個黨領導、兩個都係律師，尋日拗得激烈過喺立法會。