路面凹凸如坐過山車
繁忙道路日久失修，對行車甚至行人安全皆構成威脅。陳小姐日前行經佐敦一帶，發現佐敦道與上海街交界一段行車路面有凹凸不平情況，擔心影響行車安全，「條路裂開咗嘅範圍有成幾呎長，搞到又高又低咁，啲車輾過都會輕輕拋起，你都咪話唔得人驚！」
路政署發言人表示，接獲投訴後已派員實地查察，發現上述位置的行車路面出現局部不平，已即時指示承建商重建該部分路面，有關工程現已完成。
「好彩有《東方日報》幫手，話咁快條路就整番好，但都希望下次路政署主動啲巡，唔好等收到投訴先做嘢！」陳小姐證實上址路面凹凸不平情況已改善，並要求路政署日後更主動巡查及維修損毀街道，以保障市民安全。