候任特首梁振英手起刀落，預告明年起會截停私家醫院嘅雙非孕婦分娩配額，令私院即時起晒弶。
私家醫院聯會主席劉國霖尋日喺電台節目上形容，對當局以行政手段截停雙非孕婦配額，佢覺得自己畀人揼咁，認為應逐年遞減雙非配額讓私院軟着陸喎。不過，事實上無乜投資係保證賺錢，加上近年本港孕婦因為難搵分娩床位而怨聲載道，政黨同民意都支持截停雙非孕婦，睇嚟私院都係自求多福好過喇。
