律政司民事法律專員賴應虒被揭發涉嫌濫用政府車輛接載女朋友，曾經喺律政司工作過嘅香港律師會前會長王桂壎尋日就話，雖然佢認識賴應虒，但大家唔係咁熟，所以唔方便評論件事。不過，佢就重申，雖然唔清楚今次嘅報道誰是誰非，但認為身為公眾人物，一旦用到政府資源自然要萬分小心，當然包括政府車輛啦！
