中環出更：廖偉麟靜待入貨時機

Jeffrey投資商廈眼光獨到，十二月初沽出力寶中心二座十二樓半層樓面，面積約六千八百多呎，持貨僅一年多，聽聞獲利已達二千五百多萬元，認真和味。

Jeffrey過去幾個月以出貨為主，但十一月尾又反手斥資逾三千九百萬元購入力寶中心二座一個高層海景單位，代表佢長遠仍然睇好後市。Jeffrey預測明年樓市上半年仍有機會下跌百分之十，但佢一啲都唔驚，反而趁機撈平貨，等下半年反彈時「食胡」。

趁聖誕節，Jeffrey打算同好友同遊法國巴黎參觀當地著名酒莊，大飲美酒輕鬆吓喎。