政情：甘威拖老婆入馬場晒恩愛

甘威份調查報告由前年開始，查到現時都無咩下文，估計內容都係無咩殺傷力。但自從出事後，甘威好多場合都帶埋老婆出嚟以示恩愛，尋日就係一個例子。甘太望落去似飽滿咗，兩個人喺看台都手翹手，似乎感情比以前仲好。

尋日馬場有國泰航空香港瓶賽，國泰企業事務董事莊偉茵當然出席，尋日只得十二度，不過佢唔怕寒流，着咗一件無袖旗袍，認真係要畀個叻佢。佢大花旗袍配襯及膝皮靴，又幾有特色喎。