政情：黎廣德政途一鋪清袋

本身係工程師嘅黎廣德，之前以為有望喺立會選舉叫三飛，包括工程界功能界別、港島區直選及超級區會，但佢喺剛結束嘅南區海灣選舉中，以三百多票對近千票輸畀對手自由黨馮仕耕，加上公文袋受外傭官司影響，喺港島多區都大跌票，明年最多只可保住陳淑莊嗰席，黎廣德插針都插唔入。

至於黎廣德上屆選開嘅工程界議席，亦有人話佢今屆絕對冇運行，因為公文袋被指係港珠澳大橋官司嘅幕後黑手，令大批工程師冇工開，因而憎恨公文袋。黎廣德日前卸任公共專業聯盟主席，由非公文袋黨員嘅副主席莫乃光頂上，話就話係按原定安排接班，但亦有人指係聯盟唔想畀公文袋個名連累，影響泛民主派嘅特首選委會選情喎。